Cothú agus diaitéitic

Déanfaidh Diaitéiteach measúnú ar gach othar ina aonar. Áireofar sa mheasúnú féachaint ar riocht agus ar chóireálacha cliniciúla an othair, ar thorthaí tástála fola, ar chógais, ar chomharthaí fisiceacha de stádas cothaithe, ar mheáchan, ar airde agus ar phatrún fáis, ar riachtanais chothaithe, ar phatrún itheacháin nó ar bheathú, agus ar nósanna cothaithe. Bunaithe ar an measúnú seo, foirmeoidh an Diaitéiteach plean cúraim chothaithe atá bunaithe ar fhianaise agus aistreoidh an plean sin ina chomhairle phraiticiúil don tuismitheoir/caomhnóir/cúramóir. Tacóidh an plean cúraim cothaithe leis an gcóireáil nó leis an mbainistíocht leighis, agus le folláine iomlán.

I gcásanna áirithe, is é an plean cúraim cothaithe an t-aon chóireáil don riocht míochaine. Oibríonn an Diaitéiteach leis an othar, tuismitheoir/caomhnóir/cúramóir, agus leis an bhfoireann ildisciplíneach chun spriocanna atá praiticiúil, indéanta agus éifeachtach a leagan síos. Déanfaidh an Diaitéiteach monatóireacht ar éifeachtacht an phlean cúraim chothaithe i gcomhar leis an bhfoireann ildisciplíneach.

Soláthraíonn diaitéiteach oideachas grúpa do thuismitheoirí/chaomhnóirí/cúramóirí leanaí a bhfuil roinnt riochtaí orthu.

Oibrímid go dlúth le baill eile den fhoireann ildisciplíneach lena n-áirítear:

• Dochtúirí
• Altraí
• Teiripeoirí saothair
• Cógaiseoirí
• Fisiteiripeoirí
• Síceolaithe
• Oibrithe sóisialta
• Teiripeoirí urlabhra agus teanga
• An tAonad Fothaí Speisialta
• Lónadóireacht

Soláthraíonn diaitéitigh seirbhísí do na speisialtachtaí cliniciúla seo a leanas:

• ailléirge
• Dónna
• Cairdeolaíocht
• Cúram Criticiúil
• Fiobróis chisteach
• Diaibéiteas
• Deirmeolaíocht (Epidermolysis bullosa)
• Inchríneolaíocht
• Gaistreintreolaíocht
• Péidiatraic Ghinearálta
• Máinliacht Ghinearálta
• Haemaiteolaíocht
• Neamhoird Meitibileacha Oidhreacht
• Nua-naíocht
• Neifreolaíocht
• Néar-mhíchumas
• Néareolaíocht
• Néar-mháinliacht
• Oinceolaíocht
• Ortaipéidic